✍️ حصاد اليوم والف مليون مبروك مصر المحفوظة وقعت إتفاقية وهي ربط كهربائي مع السعودية بقدرة 3 جيجاواط بتكلفة 1.8 مليار دولار ودة ضروري تربطه بأخبار تانية زي مثلا ????.???????????? ???? في بعض المقاطعات الصينية الحكومة بتنصح الناس بإستغلال ضوء الشمس وتخفيف تشغيل الأجهزة والشواحن والتكييفات عشان يوفروا إستهلاك الكهربا شوية وبتعتذرلهم عن الإنقطاعات المستمرة للتيار الكهربي وانها هتستمر لفترة بسبب نقص كمية إنتاج وإستخراج الفحم اللى بيدخل فى توليد الطاقة الكهربائية فى المحطات الصينية. ???? في أوروبا أسعار الغاز طلعت 500% فى سبتمبر مقارنة بيناير، وفيه طوابير على محطات البنزين فى بريطانيا و روسيا بتستغل اللى بيحصل عشان تلوي دراع أوروبا بخط أنابيب "نورد-ستريم" ودة مرتبط بالسيارات والمصانع وتدفئة المنازل يعني الشتاء القادم فى أوروبا هيكون شتاء عنيف وصعب جدا. ???? في نفس الوقت بريطانيا وقعت مشروع اسمه X-links مع دولة المغرب بقيمة 21.9 مليار دولار بقدرة 10.5 جيجاواط بهدف تصدير الكهرباء عبر كابلات تحت البحر من الرباط إلى لندن عبر محطات الطاقة الشمسية وطاقة الرياح الفائضة لدى المغرب ودة هيخلص 2030 وهيغذي حوالي 7 مليون منزل بريطاني وهيوفر 8% من إحتياجات لندن من الكهربا. ???? مصر رجعت لتصدير الغاز للأردن من 2018 بعد ما كانت توقف بسبب 2011 وما بعدها من إضطرابات فى الإنتاج والضخ عملنا تعادل بين الإستهلاك والإنتاج وبعدها إتحولنا للتصدير ومش بس الأردن لأ كمان لبنان وكمان إحنا رابطين مصانع الإسالة المصرية بحقول الغاز القبرصية والإسرائيلية وقريبا الفلسطينية لاننا الدولة الوحيدة اللى عندها مصانع تسييل في كل شرق المتوسط. ???? فى نفس الوقت احنا بنبني خطوط كابلات بحرية تنقل الكهربا من مصر لقبرص لليونان ومنها لشبكة الكهربا الأوروبية دة مشروع اسمه Euro-Africa Interconnector بقدرة 1 جيجاواط وبتكلفة 3 مليار دولار وهيخلص مرحلته الأولى كمان سنة وبضعة شهور. ???? ولسة عندنا خطط للربط مع السودان وجنوب السودان والكونغو وليبيا ودول أخرى جاية فى الطريق. طبعا لو حضرتك بصيت على مزيج الطاقة فى الصين في الرسم البياني هتفهم انه معتمد تماما على الفحم ولو بصيت على اوروبا هتلاقيه معتمد بكثافة على الغاز والاتنين إرتكبوا حماقة بيدفعوا تمنها دلوقتى ألا وهي حماقة التسرع. ???? التسرع في التخلي على البترول أو الفحم وغيره من الهيدروكربونات والتحول بدون تخطيط مُحكم للطاقة المتجددة النظيفة دة كان تحول مش منظم وفوضوي وجاي تحت ضغط الإعلام وجماعات الضغط البيئية ومكنش فيه آلية واضحة إزاي هيتم بسلاسة لكن التسرع دة دفع تمنه الناس والمستهلكين النهاردة لما حصل إرتباك فى سلاسه الإمداد وتوقفت توربينات توليد طاقة الرياح وإنخفضت إمدادات الغاز وتباطئت عمليات إستخراج الفحم. ✌️وهنا بتظهر فرصة دول زي مصر والسعودية والمغرب اللى هى دول مُشمسة وبتملك فائض جيد من النفط أو الغاز الطبيعي وفى نفس الوقت ماشية بشكل كويس فى رفع مساهمة الطاقة المتجددة النظيفة فى مزيج الطاقة وكل دة بدون الإستغناء عن الهيدروكربونات بطريقة عشوائية. ✌️مصر بتبني لنفسها مكان ومكانة ودور عالمي فى سلسلة إمداد الطاقة العالمية طوعا أو كرها وبنأسس تحالفات عالميه وافريقيه وخليجية لتكون سيف ودرع جديد يساعدنا على المنافسة فى الإقتصاد العالمي بخلاف قناة السويس وعشان كدة خبر النهاردة خبر مهم للمتابعين بالسرد الشامل والكافي والوافي ونكرر مقولتي المعهوده القادم سيشيب له رأس الغلمان.